الاول ،،،، والثاني ،،،، والثالث ،،،، وربي شي يقهر ..

[محبة صلاة الليل]

هلاااواات بنوتاات << احلى سجع ..هههه..

شخباركم ...
انا بخير ولله الحمد << احد سألك << من جد لقافه خخخخ ..

حبيباتي راح اتكلم معكم او بالاصح اتناقش معكم بموضوع الغالبيه يتضايق منه ...

الشي الاول ::

تكون البنت جدا حساسه من كلمة مالها داعي

زي مثلا :: والله فلانه ماشاء الله عليها تهبل ترد البنت المستمعه (( وانا ماملت عينك ))
وانت بعد تهبلين ؛؛ تطقها البنت زعله ..

او مثلا والله توني مخلصه من صلاتي ودعيت لفلانه ان ربي يشافيها << انت طبعا قصدك فقط التذكير عشان اهي كمان تدعي لها ..
ترد عليك (( وانا في الزباله صح ))

من جد يابنااات ..
انا اعاااني من بنااات كثير ولا عاد صرت احكي لهم ...


واالشي الثاني ::

انا بجرحك وابي اسبك وانت لا وان تكلمتي تر ابزعل ..
من جد مو يقهر ..

والشي الثالث ::
لم وحده تمسك عليك كلمة وكلما شافتك قالتها وسبحان الله كتب ربي انك تمسكين عليها وقلتي لها كشرت في وجهك ولا عااد كلمتك وانت تراك الغلطاانه << بنظرها ..

من جد وش تسويين في هذي المواقف ...
جد متعبه ..
الغالبيه بنااات يشكون لي حااالهم من القهر ..

الله يعيننا يارب ...

[فرفوشه !]

ايه والله صدقت حبووبه

انا يمر علي كثير من المواقف مثل كذا

لكن كل ما علي اني (اطنش)

ولا كان صار شيء

والحمدلله

والاحظ اذا سويت كذا اني اقهرهم :af8:

وهذا اهم شيء >> هم قهروني , فانا اقهرهم ابو النذاله :bx8:

[محبة صلاة الليل]

اسعدتني طلتك فرفوشه ..
ابد خذي راحتك في النذاله << تخرررب ..

[الإستشاريه أمل]

حيااك الله حببوبتي ..

تعجبني موااضيعك خاصتن انها من "عقلك" < ^^

ششوفي والله (سوق التطنيش) مااشي هاليومين / فأي شي طنششششششششي وياكل البناات طنشششششو !

والله لو ردينا بنتعب معا الناس اللي عندهم حساسيه زايده ..

ومثل ماقاالو "الحقراإن يقطع المصراإن"

يسسلمو حببوبتي

[محبة صلاة الليل]

حلوه (( سوق التطنيش )) من جد اعجبتني ..
الله يسعدك يارب ..

[الجنة آمالي]

السلام عليكم
موضوعكـ على الجرح
بصرأأحة أعيش هذي اليومين حسااسية زاايدهـ

والسبب صديقتي الله يهديه من النوع الحار والي ياخذ حقه وزيادهـ

أما أنا من النوع الخواف لأخر درجة
مع أننا علاقتنا مثل العسل الله يديمه

لكن صار لي موقف مع صديقتي وتوترت علاقتنا المشكله كل وحدهـ ماتقدر تكلم الثانية

لو تشوفين أشكالنا اليوم بالمدرسة
كل وحده معه ورقة وقلم وتكتب سلبيات وإيجابيات الثانية
بعدين تعطيني الورقة وأرد عليه بنفس الورقة وترد علي وعلى هذي الحال مدري ليش خايفين أننا نتكلم مع بعض

الله يهدينا ويصلح بيننا
=)

[محبة الرحمـــــن]

لاأقول إلا :
يخاطبني السفيه بكل قبح
فأكره أن أكون له مجيبا
يزيد سفاهة وأزيد حلما
كعود زاده الإحراق طيبا

هكذا فلتكوني

[حياتي تفاؤل]

ياااحلوووتي عااادي شي مااايضيق الصدر ولا يزعل اللي ما يذكرني مو لازم واللي ذكرني ربي يسعده ويوفقه ومن دعالي له بالمثل واللي ما يدعيلي الله يحفظه ويرعاه

واذا قصدك على انها تتكلم قدامك فهذا شي جدا جدا جدا عاااااادي واحس انها تصيـــــــــــر كثيـــــــــــــــر ومع هذا ماقد فكرت فيها ابد

وع قووووولة أمووووله سووووق التطنيش ماشي ولله الحمد شدي حيلك بالتطنيش وان شاءالله ماتلقين الا اللي يسرك<<ربي يسعدك ويريح باااالك

[جويريه]

دائما ضعي في بالك هذا الشي(اذا خاطبك السفيه فلا تجبه فخير من اجابته السكوت)
وسبحان الله السكوت في مثل هذه المواقف ابلغ من الكلام لانو اذا رديتي وجادلتيها بتقول من القهر ويبدأعاد ابليس شغلته ويفرق بين الاصدقاء على شيء تافه ,ولازم نكبر عقولنا شوي مو كل شيء تفعله صديقتك تحاسبيه عليه,,,
اتمنى انى ما اطلت عليكم..

[محبة صلاة الليل]

شاكره مروركم وتفاعلكم معي ..