زهرة الافندر
21-11-2008, 05:35 AM
صباح/مساء الخيراااات.....بصراحة لأني نوعا ما جديدة....فهذا أول موضوع لي....وبإذن الله يفيدكم وإن كان من باب التذكير والتنبيه...تسمحلي أختي (حربيه)بالتطفل على موضوعها الخاص بالحج ذكرت الأساسيات فقد أبدعت بارك الله جهودها...وهنا راح أذكر لكم بعض اللوازم اللي من وجهة نظري أحسها مهمه...وأستفدت منها صراحة...من واقع تجربة..
الأغراض هي:1/ أحرصي أنك تاخذين معك اكثر من عباية مثلا:عبايتين...طرحتين....نقابي ن طبعا بغطاء وفي حال عدم الإحرام..وقفازين...أما الجوارب(الشراب)الأفضل تاخذين كثير وأنصحك بأسود طويل ومتين خاصة بالحرم لأن الخفيف يزلق.
2/أنتبهي تاخذين العبايه المسكرة أو مخيطة من الأمام لأن الناس مع الزحمة راح يدوسون عليها وتسبب إختناق...فأنصحك بالعباية المفتوحة وأنتي حطي فيها(طق طق)مريح وفي نفس الوقت إذا داسوا عليها تنفتح..ومن هذا الباب أحب أنبه على مسألة العباية في الحج الواجب تكون على الرأس وضيقة الأكمام وفضفاضه بإختصار(عباية الستر)المعروفة..أصلا مافيه مجال للتبرج فالرحله إيمانية!
3/أحرصي على البنطلونات الداخلية تحت لبسك خاصة إذا طلعتي من الحملة...لاسمح الله إذا تعثرتي ما تتكشفين..
4/أنصحك بـ(الكوتش)الجزمة الرياضية ــ أكرمكم الله ـ مريحة مره في المشي وبعد أحرصي عليها في الرمي....وبعد لا تنسين شبشب بيت عشان تلبسينه داخل المخيم...وبعد شبشب حمام ثقيل أنتبهي تاخذين فلين أو خفيف لأنها تزلق...وفرصه أقولك شي مهم إذا رحتي لدورة المياة أمشي شوي شوي لأن البلاط اللي بين الدورات والمغاسل يكون دائما مبلول..وبعد إذا توضأتي للصلاة من المغسلة لاترفعين رجلك للمغسله أولا راح ينكشف جزء كبير من الساق والفخذ وثانيا يساعد على الإنزلاق
عادي جدا أغسليها من الحنفيات الأرضية أو من داخل دور المياة..
5/طبعا ملابسك تكون على عدد الايام..وإحراماتك مايكون فيها زينة وقماشها بارد.. ويوم العيد وأيام التشريق 11/12/13لك الحرية مابين جلابيات ناعمة أو تنانير بدون مبالغة ولاتنسين قمصان ربيعية للنوم لأن الجو بالليل بارد..وياليت نبتعد عن اللبس القصير والبنطلونات والبجامات..لا يليق بك فالرحلة كما قلت إيمانية..
6/لاتنسين تاخذين معك شنطة صغيرة سيرها طويل وألبسيها تحت العباية بشكل مايل مثل حزام الأمان إذا بغيتي تطلعين وحطي فيها الأشياء الضرورية مثل الجوال..وفلوس..مناديل..مصحف صغير...كتاب أذكار أو عن الحج ومسواك وغيره..
7/كيس متين دائم إما مقوى أو خيش تحطين فيه ملابسك وأغراضك إذا جيتي تتحممين لأنه غالبا تكون فيه مسافه لدورات المياة فهذا أضمن ما تسقط أغراضك...وملابسك اللي تخلعينها تحطينها بالكيس...وكذالك ضعي بآخر الشنطة كيس للملابس المتسخة لأنه مافيه مجال للغسيل..
8/أحيانا يصادف وقت الحج وقت نزول العذر فتواجه المرأة مشكلة...في الصيدلية حبوب تأخير العذر تؤكل قبل موعد الحج تقريبا بعشر أيام 3مرات باليوم وأهم شي ماتنسين موعد الحبوب..ولو يكون معك علبتين يكون أفضل وخليها دايم معك بالشنطة الصغيرة....أحيانا مع الزحمة والمشي ورهبة الموقف تنزل حتى لو ماكان وقتها فالأفضل تأخذين الحبوب ..وإذا ودك تستشيرين دكتورة يكون أفضل..
9/كيس القماش الصغير أحيانا يجي تل وأحيانا شيفون..مهم جدا لوضع الحصى....لو مسكتيها بيدك بتسقط..
10/كشاف صغير راح تحتاجينه في مزدلفة أو في الباص إذا جيتي تقرأين قرآن أو كتاب كذالك راح تحتاجينة داخل المخيم إذا تبين أغراض من شنطتك بالليل والأنوار طافية صعبة تولعينها وهم نايمين..
11/شال متين ...وبطانية لمزدلفة..وأحيانا الحملة هي اللي توزع بطانيات خفيفة..
12/سجادة وجلال..
13/شنطة جوال سيرها متين..
14/أدوات الإستحمام(منشفة ـ شامبو غير معطر ـ صابون غير معطر)..
15/أدوات التجميل بسيطة جدا..ليوم العيد وأيام التشريق وبدون مبالغة(واقي ـ قلم كحل ـ قلاس).(فرشاة شعر ـ شباصات ـ ساعة)
16/أدوات النظافة(فرشاة أسنان ومعجون ـ مزيل عرق ـ كريم يدين)
17/أغلب الحملات يكون فيها طبيبة لكن إحتياط خذي(لزق جروح ـ مسحات طبية ـ بنادول)
18/مهم جدا بخاخ ديتول قبل استخدام دورات المياه ..
حبيباتي آآآآآآآآآآآآآآآسفة جدا عالإطالة....كل هدفي أفيدكم.....إن أصبت فمن الله وإن أخطأت فمن نفسي والشيطان...
أسأل الله أن ييسر الحج لمن أراده وأن يتقبل من الحجاج حجهم ويعيدهم سالمين غانمين...دعواتكم....
الأغراض هي:1/ أحرصي أنك تاخذين معك اكثر من عباية مثلا:عبايتين...طرحتين....نقابي ن طبعا بغطاء وفي حال عدم الإحرام..وقفازين...أما الجوارب(الشراب)الأفضل تاخذين كثير وأنصحك بأسود طويل ومتين خاصة بالحرم لأن الخفيف يزلق.
2/أنتبهي تاخذين العبايه المسكرة أو مخيطة من الأمام لأن الناس مع الزحمة راح يدوسون عليها وتسبب إختناق...فأنصحك بالعباية المفتوحة وأنتي حطي فيها(طق طق)مريح وفي نفس الوقت إذا داسوا عليها تنفتح..ومن هذا الباب أحب أنبه على مسألة العباية في الحج الواجب تكون على الرأس وضيقة الأكمام وفضفاضه بإختصار(عباية الستر)المعروفة..أصلا مافيه مجال للتبرج فالرحله إيمانية!
3/أحرصي على البنطلونات الداخلية تحت لبسك خاصة إذا طلعتي من الحملة...لاسمح الله إذا تعثرتي ما تتكشفين..
4/أنصحك بـ(الكوتش)الجزمة الرياضية ــ أكرمكم الله ـ مريحة مره في المشي وبعد أحرصي عليها في الرمي....وبعد لا تنسين شبشب بيت عشان تلبسينه داخل المخيم...وبعد شبشب حمام ثقيل أنتبهي تاخذين فلين أو خفيف لأنها تزلق...وفرصه أقولك شي مهم إذا رحتي لدورة المياة أمشي شوي شوي لأن البلاط اللي بين الدورات والمغاسل يكون دائما مبلول..وبعد إذا توضأتي للصلاة من المغسلة لاترفعين رجلك للمغسله أولا راح ينكشف جزء كبير من الساق والفخذ وثانيا يساعد على الإنزلاق
عادي جدا أغسليها من الحنفيات الأرضية أو من داخل دور المياة..
5/طبعا ملابسك تكون على عدد الايام..وإحراماتك مايكون فيها زينة وقماشها بارد.. ويوم العيد وأيام التشريق 11/12/13لك الحرية مابين جلابيات ناعمة أو تنانير بدون مبالغة ولاتنسين قمصان ربيعية للنوم لأن الجو بالليل بارد..وياليت نبتعد عن اللبس القصير والبنطلونات والبجامات..لا يليق بك فالرحلة كما قلت إيمانية..
6/لاتنسين تاخذين معك شنطة صغيرة سيرها طويل وألبسيها تحت العباية بشكل مايل مثل حزام الأمان إذا بغيتي تطلعين وحطي فيها الأشياء الضرورية مثل الجوال..وفلوس..مناديل..مصحف صغير...كتاب أذكار أو عن الحج ومسواك وغيره..
7/كيس متين دائم إما مقوى أو خيش تحطين فيه ملابسك وأغراضك إذا جيتي تتحممين لأنه غالبا تكون فيه مسافه لدورات المياة فهذا أضمن ما تسقط أغراضك...وملابسك اللي تخلعينها تحطينها بالكيس...وكذالك ضعي بآخر الشنطة كيس للملابس المتسخة لأنه مافيه مجال للغسيل..
8/أحيانا يصادف وقت الحج وقت نزول العذر فتواجه المرأة مشكلة...في الصيدلية حبوب تأخير العذر تؤكل قبل موعد الحج تقريبا بعشر أيام 3مرات باليوم وأهم شي ماتنسين موعد الحبوب..ولو يكون معك علبتين يكون أفضل وخليها دايم معك بالشنطة الصغيرة....أحيانا مع الزحمة والمشي ورهبة الموقف تنزل حتى لو ماكان وقتها فالأفضل تأخذين الحبوب ..وإذا ودك تستشيرين دكتورة يكون أفضل..
9/كيس القماش الصغير أحيانا يجي تل وأحيانا شيفون..مهم جدا لوضع الحصى....لو مسكتيها بيدك بتسقط..
10/كشاف صغير راح تحتاجينه في مزدلفة أو في الباص إذا جيتي تقرأين قرآن أو كتاب كذالك راح تحتاجينة داخل المخيم إذا تبين أغراض من شنطتك بالليل والأنوار طافية صعبة تولعينها وهم نايمين..
11/شال متين ...وبطانية لمزدلفة..وأحيانا الحملة هي اللي توزع بطانيات خفيفة..
12/سجادة وجلال..
13/شنطة جوال سيرها متين..
14/أدوات الإستحمام(منشفة ـ شامبو غير معطر ـ صابون غير معطر)..
15/أدوات التجميل بسيطة جدا..ليوم العيد وأيام التشريق وبدون مبالغة(واقي ـ قلم كحل ـ قلاس).(فرشاة شعر ـ شباصات ـ ساعة)
16/أدوات النظافة(فرشاة أسنان ومعجون ـ مزيل عرق ـ كريم يدين)
17/أغلب الحملات يكون فيها طبيبة لكن إحتياط خذي(لزق جروح ـ مسحات طبية ـ بنادول)
18/مهم جدا بخاخ ديتول قبل استخدام دورات المياه ..
حبيباتي آآآآآآآآآآآآآآآسفة جدا عالإطالة....كل هدفي أفيدكم.....إن أصبت فمن الله وإن أخطأت فمن نفسي والشيطان...
أسأل الله أن ييسر الحج لمن أراده وأن يتقبل من الحجاج حجهم ويعيدهم سالمين غانمين...دعواتكم....