وعد ما انسى الي تساعدني من دعواتي

[قيود الحرية]

بصراحة أنا مو عارفة من وين أبدأ،بس أبغى أحد يساعدني .
أنا أحيانا أتوهم إن فيه ناس جالسة معاية وأسولف لهم
"ناس أعرفهم"
مع إني متأكدة إنو مافي أحد جنبي، وأجلس أحكي لهم خصوصا إذا صار لي موقف معين أو مشكلة .
أحس إني أفضفض .
مع إني عندي أخوات أكبر مني وأصغر مني أسولف معاهم .
سؤالي: هل هذه الحالة طبيعية ؟
وإذا لا كيف أتخلص منها؟

[محبة صلاة الليل]

انا اتوقع انها حاله جدا طبيعيه ...
والعلاج هو ذكر الله وانك ما تجلسين لحاالك ...

[جنتي في قلبي..}]

اممممم

يمكن نفسك تسولفين مع احد

بس اذا حسيت هذا الحاله روحي سولفي مع خواتك

بعض الاحيان تصير لي اذا ابي افضفض

ربي يسعد قلبك

[قيود الحرية]

والله وهذي هقوتي فيكم أخواااااااااااااتي اللاتي لم تلدهن مامتي
والله ما انساكم من دعواتي
الله يسعدكم ويوفقكم ويحقق ما تتمنونه عاجلا غير آجل يااااااااااااااااااااااااااااا ارب

[جنتي في قلبي..}]

آمين ياقلبي وياك ياغلاي


واذا تبين شي آمريني

[الاسى]

بصراحة أنا مو عارفة من وين أبدأ،بس أبغى أحد يساعدني .
أنا أحيانا أتوهم إن فيه ناس جالسة معاية وأسولف لهم
"ناس أعرفهم"
مع إني متأكدة إنو مافي أحد جنبي، وأجلس أحكي لهم خصوصا إذا صار لي موقف معين أو مشكلة .
أحس إني أفضفض .
مع إني عندي أخوات أكبر مني وأصغر مني أسولف معاهم .
سؤالي: هل هذه الحالة طبيعية ؟
وإذا لا كيف أتخلص منها؟

يا هلااا والله بقيود
حبيبتي عشان نكووون واقعييين وإنت سألت وطلبتي الحل
ولازم يكون فيه صراحه بقولك حبيبتي هالشي وهالحاله أبد موطبيعيه معليش لكن إنت أحكمي على نفسك
يعني إيه تتخيلي أحد جنبك وتتكلمي معاه وتشكي هموومك ومشاكلك وفي الأصل مافي أحد
جاوبي على نفسك إنت
لكن ممكن تتخلصين منها بكل بساطه تروحي عند أخواتك وتختلطي بهم أكثر عشان تتعودي عليهم
والإنسان ممكن يتكلم مع نفسه إذاى كان يواجه ظغووووط أو مايحصل أحد يفهمه أو من اللي كلامهم كثير ويحب يطلع كل اللي في خاطره
نصيحه مني حاولي تتخلصي منها عشان ماتصير عاده عندك
وما يسسبب لك إحراج مع الناس وخصوصا إذا شافوووك تتكلمي مع نفسك
أكيد فهمتيني حبيبتي لاتزعلي بس حبيت أقدم نصيحه
لاني أعرف ناس عندهم هالحاله والحمدلله قدروا يتخلصوا منها
خلاص يالغلااا
أتمنى أكون أفدتك في موضوووعك
ربي يحفظك ويوفقك

[جوري]

اكثري اختي من ذكر الله ولاتنسي الاوراد اليوميه
واذا حصل لك كذا على طول تكلمي مع احد من اهل البيت
سمي بالرحمن
ولاتجلسي مع نفسك كثير
الله يحميك ويحفظك

[قيود الحرية]

حبيبتي والله العظيم إني أحب خواتي وأسولف معاهم و متعلقة فيهم يعني اتعب إذا فارقتهم
بس أحس إني ارتاااااااااااااااح لما اسولف لنفسي ، بس لما أحد يدخل عندي على طول اسكت .
مرة أختي سمعتني ،وأنكرت بس إذا طلعت من البيت ما تجي ها الحالة؟
مرررررررررررررررة ثانية أشكرك ياغلاي

[دروب المجد]

بصراحه تسير لي هالمواقف كثير واحسه عادي جدا والله ارتاح بعد ما أفضفض وانا حولي ناس كثير اتكلم معاهم لكن مع نفسي احس بعقلانيه وافضل هالشيء لاني احس بتعقل في حل الامور ولكن احاول ما ارفع صوتي علشان ماااايقول اني .......ههههههههههههههههههههه وعلى فكره انا اعرف نااااااااااس كثير مثلنااااااااا فما في داعي للقلق ابد
وارتاااااااااحي بالعكس احس العبااااااااااااقر كذا يفكرووووووووووووووووا

[بنت المجد]

انا بالنسبه لي ان هذا الشي طبيعي انك راح تسوينه لانك محتاجه تفضفضين لاحد ...صح انه مو طبيعي تتكلمين مع نفسك بصوت عالي ....بس يمكن المشكله او الحدث يخليك تسوين كذا ....

إذا كان الكلام لناس ودك تقولينه لهم ومنتي قادره اتخذي قرارك وصارحيهم (ع ان الكلام زين مو تجريح..)

وإذا كان بس تبين تفضفضين لاحد فيه طريقه احسن >>امسكي ورقه وقلم وطلعـــــي كل كل اللي فقلبك
أي شي او كلمه بخاطرك اكتبيها محد يسمعك او يشوفك ..((لاحد يتكلم ويقول وش فيك ولا يحسب فيك شي))
بعدين لو كان مشكله اعزمي ع حلها واكتبي وش راح تسوين وإذا خلصتي خلاااص اخذي الورقه وشقيياها
وارميها بالزباله(الله يكرمك) كذا بتحسين انك نفستي عن نفسك ومن دون ما تزعجين احد ..

تقدرين تخلين عندك مذكره تكتبين كل شي فيا مثلا المشكله وانتي وش راح تسويين وبعدين تكتبين حلها وبعد فتره اذا رجعتي لها بتحسين بتفاؤول ونجاح انك تخطيتيها ....ومثلا فيه شخص مشتاقه له ومنتي قادره تقولين له او تعبرين عن حبك له اكتبي بمذكرتك وبتحسييين بالرآحه

>>>واهم شي الإستغفار ، والصلاه ،والذكر >>>وآآخر معلومه ...

من قال حين يمسي ويصبح((حسبي الله لاإله إلا هو عليه توكلت وهو رب العرش العظيم)) ٧ مراات
إلا زال الله عنه همه

تقبلي مروري ..وانا في المساعده دايماً......

بنت المجد^^

[يَقين]

أعتقد انه طبيعي جدا انا عني (ابطلع الفضااايح هههههههههههه) اسووولف وبشكل خياالي ولا احيانا الموقف مؤثر واصيييح ودمووع وشي حاله يرثى لها بس في النهاايه استاانس وارتااح شي حلوو احس انه وانا مدري ... قد سمعت انا احد يقول من الطبيعي او الضروري ان تتحدث مع نفسك 40 كلمه في اليوم او كذا ان ماخاابت معلوومتي

والله يوفقك وييسر لك كل خييير ..

[هتون]

الله يكون في عونك اخيتي
عادي جدا انك تفضفضين لنفسك بحدودالمعقول موتوصلين لانك تتعبي روحك والاخوات ماقصرا قالو الاستغفار والاذكار

[ام المجاااهد]

أختي قيود الحريه من كثر ما تفكرين في ما يصيبك تحدثين به نفسك ومن رأيى أنه أفضل من انك تفضفضين لشخص آخر
يقول الإمام الشافعي رحمه الله...
إذا ضاق صدر المرء عن سر نفسه فصدر الذي يستودع السر أضيق
وتقدرين إن شاء الله تتخلصين منها بقراءة القرآن وبدعاء الهم والحزن ودعاء الكرب والأستغفار وحسبي الله ونعم الوكيل 7 مرات..
أسأل الله أن يشرح صدرك وينور قلبك وييسر أمرك..

[شموخ داعية]

لا حبيبتي إن شاء الله طبيعي...
بس لا يزال لسانك رطبا بذكر الله كل ما جتك هالحالة ..

[سدرة المنتهى]

لاتشلي هم غاليتي ان شاء الله ماعندك الا العافيه

ربي يفرج همك وينفس كربك ويشرح صدرك

الداعيه لك بالخير

[عبيـ وحلمي كبير ـر]

عادي حبيبتي هذي حاله طبيعيه ,,

أسعدك الله يالغاليه ,,

[همس المحبه]

ليه تسكتي لما أحد يدخل عليك ؟؟
وليه أنكرتي لما سمعتك أختك؟؟
أنا أجاوبك عشان التصرف ذا غير سوي وممكن يتهموك بالجنوووون صح
انتبهي..
خاطبي نفسك وكلميها وعاتبيها وحاسبيها بس بدون صوووووت ...
ولو جتك رغبه تكلمي نفسك تعوذي من الشيطااان وقومي من مكانك واشغلي نفسك وسولفي مع أمك وخواتك ..

[أمي غلا دنياي]

أنا مع أخواتي إن في ناس كثير كذه بس مومعناته إنها منتشره يعني طبيعيه..!!
وسامحيني والأخوات على صراحتي..
قلبي انتي حاولي ماتجلسي لوحدك وحاولي تقاومي هالرغبه إنك تجلسي مع أهلك ولأوصيك غناتي بذكر الله يقول الله تعالى:" الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللًّهِ الا بِذِكْرِ اللَّهِ تَطْمَئِنُّ الْقُلُوبُ ".
والله يشرح صدرك :10: