للأسف هذي الحقيقة فليش نعترض؟؟

[•• ملكـ الضـي ـة ••]

السلام عليكم ورحمة الله وبركاته..
رسالة جتني على ايميلي وحبيت انشرها لأني متفقه مع كاتبتها في كل ما كتبت اقري وعطينا رأيك في الاخير فرأي المجداوية جدا مهم..

قبل 10 سنوات او حولها

كنا لما نمشي في ديرتنا ونشوف اجنبيه فاتشه

تطير عيوننا .. نقول وش هذي .. يا ساتر ..
===================
كان يا ما كان

قبل ثلاثة ايام

افتح ايميلي واشوف رساله من قروب مشهور... صور لبنات ويتفاخرون انهم سعوديات ..!

السعوديه فخر بس للأسف ما يستاهلون يرفعون هذا المسمى على الصور الي كانوا طالعين فيها

مثال ..

صورتين

لـ 6او 7 بنات..صافات..عالجدار وملقينا ظهورهم..ومرفعات يدينهم (كأنهم معاقبات)..

ومنزلين البنطلون..ونص البتاع طالع..



قله الحيا هذي مهيب مقبوله!!

10 سنوات فتره موب قليله ..

كيف وصلنا لهذي الدرجه من فراغ الاخلاق . ؟؟


الصيف اللي راح.. للأسف غلطنا ورحنا *دولة عربية* (كانت كاتبة اسم الدولة لكن مسحته احتراما من مجدها للدول)..

مع الحرص الشديد الحمد لله للابتعاد عن اماكن الفساد .. لأنه يوجد فيها فساد اكثر من الدول الغير عربيه

صراحه!!


رحنا لمطعم سقيم..طلع فيه واحد عالستيج.. ومسك المايك وقال

((احلى تحيه لشعب السعوديه))

وتصفيييييييييق..!!


....


ارجع الحين لصلب الموضوع..

ليش صرنا نشوف صور كثيره.. وعناوين الصور

((سعوديات..سعوديات..سعوديات))


لو نتفرج عالصور..


نلقى رجول..


نلقى جزم!


نلقى اساور خضرا<<يعني ترا حنا سعوديات..



والفيس بوك عاد..والهاي فايف.. انواع الصور اللي مدري وش اقول عنها


شفايف..


* * *...

عيون..


ونادر ما تلقى وحده حاطه وجهها..



على فكره.. اللي تحط صوره وجهها,, محترمه اكثر من اللي ترزز اشياء ثانيه!!



يعني عشانكم تتغطون..تروحون تصورون ذا الصور..!


تمنيت اني اطيح على بروفايل احد..والقاه حاط اسم كتاب حلو نقراه..خاطره حلوه من كتابته.. موقف

مضحك مر فيه..موقف مؤثر..


او اذا كانت او كان.. يعشق التصوير.. ليه يصور هالاشياء السخيفه..؟؟ اللي ما تدل الا على سخافه تفكيره؟؟


اذا يحب التصوير..ليه ما يحترف..ويصور صور فوتغرافيه احترافيه..وراح يبدع فيها!..


ليه كل اللي اشوفه..بربسه حكي.. واحيانا قله حيا!! لا صراحه.. موب احيانا.. غالبا..

وش هالفضاوه في العقل لدرجه انكم تصورون يدينكم.... رجلينكم..
ولا
((شنطكم الماركه))..


يمكن الفضاوه.. اقدر اتقبلها.. او ابلعها..لأن احيانا نسويها حنا انفسنا.. من كثر الفراغ اللي حنا فيه.. او

يمكن شكل الصوره حلو..


بس ان الوحده تجي تصور مقفاها.. هي وخوياتها.. وكاشخه بالجي سترينق!!

والمنتديات والقروبات السعوديه تتسابق لنشرها ..


بعدين انتي ياللي مصوره انتي وخوياتك..


يعني انتي همك الوحيد ما يشوفون وجهك عشان محد يعرفك..


بس مقفاك.. شفايفك.. و* * * *...... عادي يشوفونه ؟


لأن المهم عندك الناس.. موب الله ...!!


طيب صورتك قدام نفسك.... ما تهتز انك سويتي شي حقير ووضيع مثل هالشي؟؟


اصلاً اصلاً.. كيف صورتوا صوره زي كذا.. يعني ما استحيتوا من بعض يا بنات؟؟


عيب يعني...... يعني عشانكم بنات مع بعض عادي تورون بعض يعني؟؟


ولا اقولكم..انا نسيت انكم ناشرين الصور للشباب..... فما يهمكم البنات..!



يعني صدق شي يضيق الصدر.. بنات سعوديات مسلمات في مجتمع مثل مجتمعنا يسوون زي كذا..



ودي اعرف امك..وابوك..وش بينظرون لك بعد ذي الصور؟؟

حرام..اهلكم ربوكم احسن تربيه..

بس انتم للأسف ما ربيتوا انفسكم..

فيه شي اسمه تربيه النفس.. بس انتم تتبعون اهوائكم.. او خليني اقول مخكم الفاضي!!



ولا قروب ثاني سعودي برضه... ..والصور اللي ناشرينها..


ذوليك عاد.. متبرقعات..وبعابياتهم..متكحلات. .ومسوين حركات غبيه ومصورين..!


طيب.... وبعدين؟؟ ابي افهم وش الهدف؟؟ مره وناسه؟؟ مره يضحك؟؟ مررررره كوووول انتم صراحه!!



طبعا ترى الكلام موب موجه للبنات فقط.. .. لأن يوجد عندنا وبكثره رجال عقول فاضيه..


اللي همهم نوم واكل.. ..وفلوس ياخذها من ابوه ولا امه!



تطوروا شوي.. ارتقوا شوي..اطلعوا بصوره احلى من كذا..



انتم عارفين ان النت اكبر وسيله انتشار..


قبل فتره.. في ام بي سي فور.. برنامج من برامجها عارض بروفايلات لبنات سعوديات.. باسماءهم..

طبعا موب اسماء حقيقه.. !

بس شوفوا الصور انتم!!
شفايف و اساور وشنط و* * * *
ومدري وشو..
علقوا على هالشي باننا متكمكمين بعبايتنا

عشان كذا نروح عن انفسنا بهاذي الطريقه..


ما تستحون؟؟ صوركم قدام انفسكم!؟ ما تهتز؟؟


انشرو شي حلو,,...حاولو تطلعون بشخصياتكم الحقيقيه.. موب تصيرون مثل الفنان الفلاني.. ولا البنت الفلانيه..


ليه بس تنشرون الشي الشين؟


انواع المقاطع الشينه تنتشر.. انواع الصور الشينه تنتشر..


ليه؟ وش استفدت؟؟ غير الذنب واالأثم.. انك خليت احد يشوفها.. وانك نشرت شي مو كويس عن

المسلمين!



اقولكم شي؟

شفتو كتاب (بنات الرياض) قريته..صراحه كل اللي فيه واقع..اشياء فعلا تصير عندنا..طبعاً لفئه معينه من

الناس..

بس تدرون ان الكتاب تترجم لاكثر من 22 لغه؟؟

تدرون انهم برا يدرسون الكتاب ..

فيه دوله من الدول يدرسونه؟؟ تخيلوا؟؟

يا حلّو الثقافه اللي يتثقفونها بس ..!!

يعني الحين اللي برا..يدرسون الكتاب كنص سعودي ادبي يمثل حياة السعوديين.. كله سلبيات في

سلبيات,,!,,

مثلا احنا الحين ندرس..روبنسون كروزو في الجامعه.. على اساس انه نص انجليزي يمثل الحياه الدينيه

والسياسيه الاجتماعيه في هذيك الفتره..

هم يدرسون (بنات الرياض) لتمثيل المجتمع السعودي!
ااااخ بس

انا ما الوم رجاء الصانع على اللي كتبته.. بالعكس انا عاجبني الكتاب من إلى.. وكل اللي كتبته اشوفه

بعيني عندنا..

وكل اللي سووا عليه ضجه.. هذولي يبون يعترضون لمجرد الاعتراض..


ليه تعترضون؟؟ لييه؟؟ ما تشوفون بناتكم؟؟ ما تشوفون عيالكم؟؟ ما تشوفون مجتمعكم كيف !!

ليه تنكرون كل اللي بالقصه وانه موب موجود!

الا موجود ونص والدليل هاللي نشوفه بالنت والسوق والجامعه وكل مكان!

شلون الواحد يصلح مجتمعه؟؟

بأنه يغطي على اغلاطه ولا يحكيها عشان ما ينفضح قدام الاجانب والناس!


بس عادي يدشرون ويخربون وكل شي.. بس ما ينتشر عنهم شي!


ويستمرون بنكران كل قصص الدشاره والصياعه اللي عندنا بحكم اننا سعوديين.. مدري يمكن قصدكم

سعوديين.... ناس طاهرين!


غلط ! كل دوله بالعالم فيها الصالح والطالح..

البيت الواحد فيه الصالح والطالح..


ما تحبون احد يحكي فيكم ابد.. بالرغم من كل الاغلاط بحياتكم..




===============
ليه ما تصلحون ايميلات تعود لكم بالفايده؟

وتحسن سمعتكم!

وتظهر الجانب الحلو في كل سعودي وسعوديه؟


بقولكم مثال..لوحده اعرفها شخصيا.. قبل ما ينتهي رمضان.. ارسلت مسج لكل اللي تعرفهم..وقالت انهم بيجمعون فلوس هي وبنات خالاتها.. وبيروحون يشترون العاب..وحلويات..ويرسلونها لجمعيه الايتام..وفعلا جمعو.. ووصل المبلغ لين 22الف.. كله من بنات عشرينيات في العمر..كلهم تحمسو لهالشي.. كلهم اتشغلو وشرو العاب..وحلويات.. شرو ميك اب..وشرو اشياء ثانويه الجمعيات ما توفرها للمحتاجين والايتام.. يعني البنات فكرو بتفكير مررررره حلو ...فكرو بالاشياء اللي يحتاجونها الفقرا..ويفرحون فيها,, بس ما توفرها لهم الجمعيات لانها مهيب ضروريه مثل الاكل والبيت والملابس,, يعني هالمثال صراحه اوقف واصفق له بحراره.. هذولي هم السعوديات اللي نعرفهم!!

==================

شله شباب..اعرفهم بعد.. طبعا هم نجديين..طالعين لجده..في رحله بحريه..وصادو كميه لا بأس بها من السمك..

تدرون لو باعوا السمك.. كم يبيجب لهم؟ تقريبا 4 الاف ريال ....

بس هم كانت نواياهم اهم من الفلوس..

اخذو السمك وودوه لمنطقه فيها ناس فقرا.. وتصدقوا به..

====================
برضو حمله تبرعات الراجحي..

ترى اكثر من تبرع فيها شباب..


يعني فيه ناس تشتغل.. فيه ناس عندها اهداف.. تفكر صح

موب بس بالنت.. حتى برا النت,,

سواء بنات او شباب..

نبغى جيلنا السعودي الجديد ينتشر عنه كل شي حلو..

انا ما اقول انكم ما تنبسطون... بس برضه بحدود..


موب عشانكم ورا الشاشات .... الأمر يعني عادي؟؟


(هياط ورا الشاشه = مرض)


الصور اللي من النوعيه اللي ذكرتها في البدايه.. بطلوا تنزلونها النت.. بطلوا تحطونها بالبروفايل حقكم.. ترا صدق يعني هالشي ما يبين الا فضاوه عقولكم....لأن هالبروفايل يبين شخصيتك..


اي احد يشوف هالصور..والا يجيه ايميل من هالنوعيه.. يبطل ينشرها.. لأنها يساعد على انتشار

هالظاهره..لأن التقليد عندنا اعمى!!

======================
وابي اتطرق لموضوع دخل فجأه معاي ..
بس لازم اعلق عليه(( فضيحه بنت .. الخ)) هالنوعيه من الصور

والفيدوهات.. ترا عليكم اثم لو نشرتوها..

حرام.. يعني ما تخافون من ربي؟؟

اولاً نشرت شي حرام. ثاني شي ما سترت على بنت او ولد الناس..

ما تخاف ربي يفضحك بشي بعد سنه او 2 او 100!!


قال الرسول صلى الله عليه وسلم

(من ستر على مؤمن بالدنيا,,ستر الله عليه بالاخره)

اتمنى ان موضوعي هذا ينتشر بنفس الطريقه اللي انتشرت فيها هالصور..


يهمني الموضوع ينتشر في المنتديات السعوديه.. اكثر من المنتديات العربيه..
واتمنى انكم ترسلونه لااكثر من ايميل..

لأننا نحاول نناقش قضيه سعوديه داخليه..ومافيه مجتمع ما يخلو من الاخطاء..


ابغى اذا احد قال((احلى تحيه لشعب السعوديه)) وعادها 6 او 10 مرات..

اعرف ليه قالها.. واقول معي حق اني اصــفــــــق..

تعليق :

واعرف من فضل الله ان الغالبية العظمى من المجتمع السعودي بعيدة عن هذه الأمور....

[الجمانة]

جزاك الله خيرا غاليتي ملكة عرش الأحلام على غيرتك وحرصك ،،

ولكن لو بدأ كل منا بتغيير نفسه لتغير المجتمع ،،

وهذا مصداق قول الله تعالى : " إن الله لا يغير ما بقوم حتى يغيروا ما بأنفسهم " ..

وأبشرك بأن هؤلاء الفتيات من الفئة الشاذة ،، والشذوذ موجود في كل مكان وزمان حتى في عهد رسول الله صلى الله عليه وسلم ،، فقد ظهر السارق والزاني وشارب الخمر من المسلمين ،،

وهاهن فتياتنا يملأن دور تحفيظ القرآن ويحرصن على الاعمال الخيرية ،، وشبابنا يملأون حلقات التحفيظ والجمعيات الخيرية ويحبون الاعمال التطوعية ويطلبون العلم على يد المشايخ والعلماء ،،

وإن وجدنا من ينشر الفضائح ففي المقابل وجدنا من يحجب نشرها وينتفض غيرة على عرض إخوانه ..

لا تحزني يا غالية فالفساد وان انتشر فالخير باقٍ في هذه الأمة حتى قيام الساعة ،،

ومن شوه صورتنا في السعودية خاصة وصورة أشقائنا في الدول الأخرى فسيقف بين يدي رب العباد الذي لا يرضى بالظلم ..

بارك الله فيك ونفع بك ..

تقبلي مرور محبتك : الجمانة ..

[•• ملكـ الضـي ـة ••]

الف شكر غلاتي على كلماتك الراقية ..
نورتي ..
وما نقول غير حسبنا الله ونعم الوكيل..

[صفحة الذكرى]

أشكرك غاليتي على الموضوع.:
أضم صوتي لأختي الجمانة
فما زال الخير باقٍِ وهؤلاء شواذ لايمثلون إلا أنفسهم.

[•• ملكـ الضـي ـة ••]

نورتي غلاتي..

[فتاة الفرح]

ملكة عرش الأحلام.. طرح رائع جدا تشكرين عليه
ننتظر المزيد وخمس نجمات ..لاحُرمنا غيرة أمثالك..

[•• ملكـ الضـي ـة ••]

هلا حبيبتي الف شكر يالغلا..

[الحنين للماضي الدفين]

وعليكم السلام ورحمة الله وبركاته
بارك الله فيكِ ياغالية لااعلم من اين ابدأ ولكن ساناقش صاحبة الموضوع الاصلية
فعذراَ منكِ ان بدر مني مايسوء..




كنا لما نمشي في ديرتنا ونشوف اجنبيه فاتشه

تطير عيوننا .. نقول وش هذي .. يا ساتر ..


الله المستعان الان العكس من تلتزم بلباسها تجدي التعليقات والسخرية تنهمر عليها




هم يدرسون (بنات الرياض) لتمثيل المجتمع السعودي!
ااااخ بس

وهل يعقل ياغالية اذا كان اجل من له المصلحه في ترويج هذا الكتاب للخارج بينما كتب كثيرة ذات فائدة لاتجد من ينشرها؟!!!!! الغرب لاتهتم الا بهذة الشاكله من الكتب عقولهم خارج التغطية



انا ما الوم رجاء الصانع على اللي كتبته.. بالعكس انا عاجبني الكتاب من إلى.. وكل اللي كتبته اشوفه

بعيني عندنا..

بل نلومها ! عذراً يعجبها الكتاب ! وماتحدثت عنه هنا رد على ماذا! استنكارها لفعل الفتيات هداهن الله ماذ نسميه اليست غيرة على هذا الدين كان من المفروض ان تقول صدقت فيما كتبت او من هذا القبيل اما اعجابها اجده تناقض!



وكل اللي سووا عليه ضجه.. هذولي يبون يعترضون لمجرد الاعتراض..
ليه تعترضون؟؟ لييه؟؟ ما تشوفون بناتكم؟؟ ما تشوفون عيالكم؟؟ ما تشوفون مجتمعكم كيف !!

لماذا التعميم؟ من قاموا بعمل هذة الضجة هم من تحركت قلوبهم وليست ضجة بل غيرة على هذا الدين وغيرة على فتيات المسلمين ااصبح الدفاع الأن ضجة واعجبي اكان من المفروض ان يصمتوا!


ليه تنكرون كل اللي بالقصه وانه موب موجود!
الا موجود ونص والدليل هاللي نشوفه بالنت والسوق والجامعه وكل مكان!

ولماذا لاتنكرين؟! على العموم هم باذن الله قلة



شلون الواحد يصلح مجتمعه؟؟

نبتدأبانفسنا ثم من حولنا...

بأنه يغطي على اغلاطه ولا يحكيها عشان ما ينفضح قدام الاجانب والناس!

قال الرسول صلى الله عليه وسلم (من ستر على مؤمن بالدنيا,,ستر الله عليه بالاخره)
اذا كان الخالق جل في علاه يستر على من عصاه فلماذا نتسارع نحن البشرعلى فضحه لماذ لنعالج هذة المشكلة بهدؤ وحكمة دون احداث هذة الربكة الاعلامية السقيمة ! هل حدثت فائدة من هذا الكتاب بعد ان فضح على (قوله) الفتيات السعوديات....
ثم مادخلنا بالأجانب !!!!!!!




بالنهاية السعوديين ليسم معصومين من الخطأ ولكن هم قلة باذن الله
وددت لو قامت بالنصح بترفق لكان افضل كما قال الرسول صلوات ربي وسلامه عليه( ما كان الرفق في شيء إلا زانه، وما نزع من شيء الا شاانه )

دمتن بخير

[اسرار الحنين]

شي يحزن ويضيق الصدر ..

انا صرت اكره السوق من كثر ما اشوف مناظر يندى لها الجبين ..

دايم اسال نفسي واقول ماعندهم اهل !

عساهم بس اذا كشفو الوجه يلبسون محتشم ويغطون رجولهم

يعني صار مشهد ان العبايه مفتوحه مع فستان قصير او برموده منظر معتاد

كل شي طالع والعبايه بس شكل

ومشهد ثاني يخليني اندهش لما اشوف حرمه كبيره وعباية راس وجمبها بنتها مشاء الله

نافشه الكشه وفل ميك اب وروج فوشي وماشيه عادي

اشياء كثيره ماكنا نشوفها قبل ونستغربها والحين صارت موجوده بقوه

مو معنى ان الحياة صارت مفتوحه اكثر مع وجود القنوات والنت والسفر .. الخ

مو معنى هالشي ان الوضع يكون انفلات وقلة ادب ووصاخه

نقدر نستعمل كل هالاشياء بحدود بدون ما نتجاوز حدود الدين والعقل يابنات

يعني ماله داعي تسوين شي حقير مثل موضوع الصور الي بالايميلات وتكتشفين بعدين

انك سويتي غلط كبير صعب ترجعين الايام عشان تعدلينه

المشكله ان البنات يتأثرون ببعض واي حركه او تصرف جديد وغلط تلاقينه ينتشر عند البنات

بسرعه


مدري شقول اكثر

بس هذي مشكلة اجيال

الي هذا جيلنا الحين وش تتوقعين الاجيال الجايه

شكرا على هالموضوع

[•• ملكـ الضـي ـة ••]

هلا غلاتي الحنين للماضي الدفين

عيوني اولا اشكرك عالتفاعل ..
ثانيا كل الكلام الي قلتيه على عيني وراسي حتى لو انا الي كاتبة الموضوع ما عندي اي مانع للاعتراض
أولا بالنسبة لكتاب بنات الرياض ما قريته فما احكم عليه كنت بأشيله من الموضوع لكن لأني ما قريته نزلت الموضوع زي ما هو..
ثانيا اتفق معك انه مجتمعنا فيه الخير والحمدلله ولكن اعارض انهم قلة لا يا عيوني صاروا اكثر من النص .. ابدا ماعادهم قلة ولا شواذ هم كثير وكثير جدا في الأسواق في الجامعات وفي المدارس وفي كل مكان تلاقين كثير كثير وتجاهلنا للقضية يزيد من اثارها السلبية ..
ألف شكر غلاتي على اهتمامك وشاكرة تفاعلك ..
نفع الله بنا وبك..

[•• ملكـ الضـي ـة ••]

هلا عيوني اسرار الحنين يشرفني مرورك عيوني ..
وما نقول غير يا رب اهدي بنات وشباب المسلمين والله فعلا صرت اكره السوق من المناظر الي نشوفها..
بوركتي غلاي..

[الحنين للماضي الدفين]

ثانيا اتفق معك انه مجتمعنا فيه الخير والحمدلله ولكن اعارض انهم قلة لا يا عيوني صاروا اكثر من النص .. ابدا ماعادهم قلة ولا شواذ هم كثير وكثير جدا في الأسواق في الجامعات وفي المدارس وفي كل مكان تلاقين كثير كثير وتجاهلنا للقضية يزيد من اثارها السلبية ..

يااهلا والله وغلا , العفو يالغلا ,,
اكثر من النصف مبالغة ياغالية انا اقول قلة بالنسبة لعدد سكان المملكة فلو قمنا بعمل احصائية وجدناهم اقل من النصف
وانا ماقلت نتجاهلهم بل نعالج الامور بحكمه وعقل وناتي بحلول لا نرمي المشاكل على الاخرين بل نحاول نحن جاهدين لفعل مانستطيع
مثال في الاسواق باستطاعتنا توزيع مطويات ,اشرطة, على المتسوقات ونصحهن وهذا اقل شيء نفعله ولاندع الامر فقط على الهيئة
في المدارس كذلك المدرسات والمدرسين لهم دور فعال
في المستشفيات ايضاَ,,,,الحلول كثيرة ولكن من يقدم عليها!

سعدت بالتحاور معكِ اسعدكِ ربي في الدارين :ad3:

[آخر العنقود]

جزااااك ربي كل خيييير على هالموضوع المهم ،، غاليتي ملوووكة بالنسبة لي ما أعترض أنا عارفة إن هالشيء موجود وما يجي من فرااااغ لأنه واقعي مثل ما صار على موضوع الابتزاز بـ 99 والصجة اللي صارت ؟؟ ،، لكن كل وحدة منا تتكلم عن محيطها ومجتمعها الحمد لله أنا أسمع قصص لكن ما أقدر أستوعب إنه صدق بالسعودية بالمكان اللي فيه أطهررر بقعة حتى هي ما سلمت من المنكرات للأسف واللي أشوووفه يهوووون عند اللي أسممممعه من أشاء يندى لها الجبيييين ،، بالنسبة لبنات الرياض أنا قرأت جزء منها وبصراااحة ما تسمى رواية لأنها سخااااافة ما تحمل أي هدف والأشياء هذي تصير بالطبقة اللي فوووووق وعيشتهم كللللها قرررف وناااادر جداً تلقين ناس عندهم خيييير وملتزمين وفي والله ناس ما أظلمهم من هالطبقة عااااقلين ومن كثررر ما هم مو عاجبهم الوضع يتمنون ما كانوا من هالطبقة وبنت خالتي تقول في أمير يتمنى يشتري من البقالة هو بنفسه عصير ويطلع مع عياله !! هذا ضريبة الطبقة اللي فووووق أو الشهرررة في أي مجال كان ترى وحياتهم ما هي بحلووووة أبداً يسووون كل هذا من الفراااغ والبحث عن السعاااادة الوهميييية ،، ومن يقرأ رواية الرد على رواية بنات الرياض للكاتب إبراهيم الصقر فسيعلم يقيناً حينها من هن بنات السعودية ،، والشباب والبنات فيهم خييييير إلى قيااام الساعة وحنا متفائلين وبصرااااحة من أشوووف بصمة شباب أنبسط وأحمد ربي إن فينا خيييير :) ..

بورك فيك .

[•• ملكـ الضـي ـة ••]

هلا اختي الحنين..
ما فيه مشكلة الموضوع جاني وصاحبته كاتبته بحماس وطرح هنا للنقاش .. والاختلاف في الرأي لا يفسد للود قضية
وكلنا غرضنا واحد الالتزام بالدين والحفاظ عليه..
الف شكر غلاتي عالتفاعل..

[•• ملكـ الضـي ـة ••]

آخر العنقود..
مرور يشرف غناتي واتمنى يجي اليوم الي نشوف بلدنا خالي من كل منكر..
حياك غلاي لا حرمنا الطلة..

[محبة الفردوس]

فعلا
بعض بنات السعوديه ما كأنهم إلي تربوا على كلمة
لاإله إلا الله محمد رسول الله
ولا كأنهم درسوا الدين
المفروض يكونوا قدوه للدول الثانيه
سواءا رجل أو بنت
ياما أجانب أرادوا الإسلام ولكنهم ترددوا بسبب ذلك
ليييييييييش ؟ ليش ؟ يا ناس أبغى أفهم
إش حيستفيدوا من هذا كله
إثم
وإلا إرتكاب معصيه أكبر منها ما فيه
والله عيب , والله العظيم عيب يشوهوا كلمة إسلام
قدام الدول الثانيه سواءا عربيه أو اجنبيه
إش حتقولواقدام ربنا سبحانه وتعالى يوم القيامه
والله كنا نتسلى
وإلا ما قدرنا نمسك أنفسنا
وإلي يحصل في الجامعات من علل
ويا ليت إلي يصير يكون بالسر
لا علنا وقدام الناس
ليش مو عارفين إنه التجاهر بالمعصيه حرااااااااااااااااااااام
والله العظيم قهر
الوحده تبغى تبكي من القهر
لأنه فيه ناس يزينوا صمعتهم قدام الدول الثانيه
وغيرهم يشوه الصمعه
معليش بس لازم أقول هذا الكلام
طبعا مو كل السعوديات كذا إلا من رحم الله
ومعليش طولت عليكم
ملوكه تسلميلي يا قلبي على الموضوع
وآسفه على الأنفعال
لأنه شيء يقهر
مشكوره يا الغاليه

[جوري]

الخير اكييييييييييييييدموجود والشر موجود
وانتي يا عسل مسويه توازن في موضوعك رائع
جايبه انواع الله يعافينا مما ابتلاهم بها صراحه ردائه في الاخلاق والقيم والافكار
وناس الواحد يتشرف فيهم كسعوديين وسعوديات
الله يكتب لك الاجر ويغفر ذنبك ويوفقك طرح رائع متكامل متوازن

[غفرانك ربي]

اللهم أرنا الحق حقاً وأرزقنا إتباعه وأرنا الباطل باطلاً وأرزقنا إجتنابه
اللهم أهدي أبناء وبنات ونساء المسلمين لما فيه الخيروالصلاح للأمة الإسلامية

بوركت أخيتي
وجزاك الله خيراً على الموضوع

[أزهار الأمل]

الموضوع حلو ويحكي الواقع المرير الذي أصبحنا نرها في كل مكان كنا لانرى التي لاتحافظ على حجابها وعلى دينها إلا في مدن كبيرة لأنهاتضم ثقفات مختلفة ولكن تفشى المرض وأنتقلت العدوى حتى في المدن الصغيرة والمحافظة جدا لماذا أصبح المجتمع بهذا الشكل
لأنهم أبتعدوا عن دينهم ولأب ولام لم يعد أحدمنهم يهتم بأسرته ويظن أن مسؤليتهم هو توفير المال لهم وأيضا لاننسى الثقافة الغربية التي أصبحت شغلهم الشاغل
الله المستعان ولاحول ولاقوة إلابالله

[لمــ إبداااع ــسة]

جزاك الله ألف خير نسأل الله الستر

[حذامي]

أهلا ملكة عرش الاحلام,, موضوع صريح والاحلى فيه التفاعل الجميل من خلال الردود الرائعة... لكن فيه مغالطات التي تخص ما ذكرعن رواية بنات الرياض وأن اللي اعترضو مايشوفوا بناتهم وعيالهم بالعكس اغلب اللي اعترضوا بناتهم وعيالهم من خيرة الشباب رفضوا تعميم السلبية على كامل المجتمع فهم لازال فيهم خير ولله الحمد..
اللي ملاحظته انتشر بشكل كبير جدا قلت الاهتمام بالحجاب والله المستعان.. فعباية الرأس قليل اللي يلبسها الآن وأنا لاأعمم فأنا أتكلم عن اللي أشوفه عندنا في الرياض...
اللهم اهدنا وثبتنا..

سبحان الله وبحمده

[بسمة تفاؤل]

اقسم بالله انك صادقه بكل كلمه قلتيها ..

نعم نحن مسلمين بس بالاسم بدون افعال ليييييييه ما نعتز بأسلامنا؟؟

متى يصحوا الشباب والبنات من سباتهم

والله انه يتقطع قلبي لما اكون بالمعهد واشكال البنات اللهم عافنا مما ابتلاهم به وفضلنا على كثيير من خلقه السماعات بأذانهم وصوت الاغاني على اعلى شئ ولبسهم وعباياتهم لا تعليق

بس الله يهديهم ويردهم الى رشدهم امين

والله هذه كله مخططات غربيه بأيادي عربيه لعبت في شبابنا وبناتنا <<الله ينتقم منهم ويرد كيدهم في نحرهم آمين واجعل تدبيرهم تدميرا

انا لما كنت بالجامعه تقول لنا استاذة انه في موقع اتوقع وزارة الخارجيه الامريكيه واضعين كم دفعوا مليارات من أجل غزوهم فكريا حسبي الله عليهم

[•• ملكـ الضـي ـة ••]

أهلا ملكة عرش الاحلام,, موضوع صريح والاحلى فيه التفاعل الجميل من خلال الردود الرائعة... لكن فيه مغالطات التي تخص ما ذكرعن رواية بنات الرياض وأن اللي اعترضو مايشوفوا بناتهم وعيالهم بالعكس اغلب اللي اعترضوا بناتهم وعيالهم من خيرة الشباب رفضوا تعميم السلبية على كامل المجتمع فهم لازال فيهم خير ولله الحمد..
اللي ملاحظته انتشر بشكل كبير جدا قلت الاهتمام بالحجاب والله المستعان.. فعباية الرأس قليل اللي يلبسها الآن وأنا لاأعمم فأنا أتكلم عن اللي أشوفه عندنا في الرياض...
اللهم اهدنا وثبتنا..

سبحان الله وبحمده

هلا غلاي اولا اشكر تفاعلك ثانيا الرواية ما قريتها فخليت رأي الكاتبة عته مثل ما هو عشان الي قرت الكتاب تقول لنا الكلام الصح...
ومشكووووووووووووورة..

[•• ملكـ الضـي ـة ••]

اقسم بالله انك صادقه بكل كلمه قلتيها ..

نعم نحن مسلمين بس بالاسم بدون افعال ليييييييه ما نعتز بأسلامنا؟؟

متى يصحوا الشباب والبنات من سباتهم

والله انه يتقطع قلبي لما اكون بالمعهد واشكال البنات اللهم عافنا مما ابتلاهم به وفضلنا على كثيير من خلقه السماعات بأذانهم وصوت الاغاني على اعلى شئ ولبسهم وعباياتهم لا تعليق

بس الله يهديهم ويردهم الى رشدهم امين

والله هذه كله مخططات غربيه بأيادي عربيه لعبت في شبابنا وبناتنا <<الله ينتقم منهم ويرد كيدهم في نحرهم آمين واجعل تدبيرهم تدميرا

انا لما كنت بالجامعه تقول لنا استاذة انه في موقع اتوقع وزارة الخارجيه الامريكيه واضعين كم دفعوا مليارات من أجل غزوهم فكريا حسبي الله عليهم

فعلا غلاي كل الي قلتيه صح..
مشكووووووووووووووورة عالرد الحلو..

[... وميـــــض ...]

بسم الله الرحمن الرحيم..

شكراً ملوكة على عرض الموضوع..

وبصراحة الموضوع مهم ومتشعب جداً..
والأفكار تتداخل براسي..
لكن بلخص اللي أبغى أقوله في نقاط..

1ـ سنة الحياة أن تجدي في كل زمان ضدان..
وسنة الحياة أن تجدي في كل زمان عصاة..وما أجمل أن تكوني سبباً في هداية أحدهم..

2ـالأم والأب..
لماذا التغافل من الآباء والأمهات ألا يعلمون أنهم محاسبون على أخطاء أبناءهم..
ألا يستشعر الوالدان أن عليهما من الأثم الكثير..الأبناء أمانة كبيرة..
أستغرب كيف يرمي الأب ابنه في الشارع ليربيه والأم ترمي ابنتها أمام الدش ليربيها!!..
لو استشعر الآباء عظم الأمانة التي بين أيديهم لاختلف الوضع كثيراً..
والهداية أولاً وأخيراً بيد الله..
3ـ الدش والانترنت والجوال..
إذا أصبح جدول البنت اليومي(مسلسل,مسلسل,دردشة,فيلم, برنامج غنائي,مسلسل تركي,نووووووووم,ثم جمع ثلاث صلوات في وقت واحد(هذا إذا كانت تصلي),مكالمات هاتفية,رسائل جوال)..
ماذا ترجين منها وماذا تتوقعين أن تنتج؟؟!!..
4ـالمجتمع السعودي كان على مدى أجيال يعتبر المجتمع القدوة..
(دكتورمصري عندنا في الكلية يقول توقعت أن كل بنات السعودية ملتزمات وخلوقات وكنت أتمنى أدرس في السعودية ولما شفتكم انصدمت منكم)
ولهذا السبب أعداء الله يتقصدون المجتمع السعودي..(وينشرون غسيله)(وأصبحوا يتكتمون على غسيلهم لتحسين صورتهم المشوهة وفعلا استطاعوا ذلك)..
وأصبحت أسمع الكثير من البنات يقولون(أن الشاب العربي صار يسوي اللي ما يسوونه في الغرب)..
و(المجتمع الخليجي أسوأ المجتمعات)و(أن الغرب محترمين أكثر من شبابنا)..ومن هالكلام..

وفي الأخير يبقى الخير موجود في كل مسلم..
وسبحان الله له حكمة في كل أمر وقضاء..
فلعل في هذا الأمر حكمة لم تدركها عقولنا الصغيرة..

ولك عاطر التحية..

[•• ملكـ الضـي ـة ••]

كلمــــــــــــــــــــــات لا استطيع ان أقول بعدها شيء ..
لا حرمت هالمرور العطـــــــــــــــــــــــر,,
نورتــــــــــــــــــــــــــ ي..

[الإستشاريه أمل]

http://www.look.yeah1.com/albums/userpics/73094/%21_%2874%29%7E5.gif


وعـليكِ السلآم ورحمة الله وبـركـآتــهـ.(:

ح’ـــيآكِ الله...http://www.rooo7i.net/smiles/smiles/3/004.gif

سـآلفة القروبــآت منتشرهـ بشكــل مخييف..فــي كل مكــآن آدخــل آلقــى قرووب سيء سيء جـــدآآآ....

الفــرآغ الفرآآآآآآغ الفــرآآآآآآآآآآآآآغ <؛هــو السبب لربمـآ آقوول الرئيسي بـعـد البعـد عن الله عــز وجــل.(:

الفـرآغ مصيبهـ جـدآ إذا قُضي بشكـل سلبــي.(:

وقـآل الرسوول صلى الله عليه وسلم:"المرء على دين خليله فلينظر آحدكم من يخـآلل"

والصحـبـهـ لهــآ دور فـي إنتـآج مثل هــآذي القذآرآت.(:

والله يحزن قلبي إذآ شفت رجـآل وجمبهـ [مرهـ]دآقــهـ كـآمل الزينهـ تقولين رآيحتن لعــرس..

والمشكـلهـ جمبهـآ ما على رآسهـآ رجـآل...!!!

والفتن تكثرلـآحول ولـآ قوة إلـآ بالله.(:

مـآآقــول:إلآ الله يثبتنـآ عـلى دينــهـ فــي زمن كثرت فــيه الملهـيـآتhttp://www.rooo7i.net/smiles/smiles/3/004.gif


لآحرمكِ الله الآجــر والثوآب.(:http://www.rooo7i.net/smiles/smiles/3/004.gif


http://www.look.yeah1.com/albums/userpics/73094/%21_%2874%29%7E5.gif

[•• ملكـ الضـي ـة ••]

حــــــــــــــــيــــــــــــ ـــــا الله امولتي ..
شكرا عالرد الرائع ..
وأسأل الله الثبات لنا وللمسلمين..